不經不覺，《搞乜鬼奪命雜作》(Scary Movie) 系列比佢搞o下搞o下搞到第四集，我哩個fans仔點都要支持一下o既，除o左睇一o的好嚴肅o既戲之外，有時真係要睇番o的好hilarious o既戲調劑番o下o既，係咪？
我鍾意《搞乜鬼奪命雜作》系列，因為佢將好多套出名o既電影炒埋一碟，對於我這種乜戲都睇o既觀眾o黎講會覺得十分有親切感，而且有時佢夠膽死有咁低俗搞咁低俗，擺明車馬“我就係咁cheap嫁喇！”，我欣賞！
至於今次搵o黎搞o既電影，有《強戰世界》、《咒怨》、《恐懼鬥室》、《森魔》、《擊情》、《華氏9/11》和《斷背山》等等，有看過這些電影的朋友當然會睇得更加過癮！而今集中依然有《反斗神鷹》(Hot Shots) 的查理辛(Charlie Sheen) 客串Tom一角，當然更加不少得《白頭神探》(The Naked Gun) 系列的里斯利尼爾遜 (Leslie Nielsen) 客串總統一角啦！不可不提的，戲中還有籃球巨無霸之稱的奧尼爾 (Shaquille O'Neal) 客串呢！
那麼，《搞乜鬼終極奪命雜作》相比起前三集來說成績係點，我個人覺得已經十分唔錯，比起第三集更加好笑，雖然，內裏有o的笑位o係某些笑片已經出現過，例如《森魔》一段中，盲妹誤闖法庭大痾特痾，如果你有看過《Harold & Kumar go to White Castle》 (暫譯：今晚好搞o野) 的話一定會記得這一幕，不過它依然能夠令人捧腹大笑。另外，雖然說今集是最後一集，不過老實講我唔係好信囉...
